ما هذه الحشره ؟ [الأرشيف]

الجازي

19-02-2002, 14:35

عزيزي / طارق

إذا ماكنت واهم هذي الحشرة هي

(( القـــــرادة ))

الله يكفينا وياكم شر القرادة!!
لاكن سؤالي هو:
هل هذي الحشرة تمتص دم الإنسان بعد أو بس دم الجمال؟؟

طمنا قبل نروح البر واللي يسلمك!؟:)

طارق

19-02-2002, 14:48

شكرا على المشاركه الجازي واتمنى لو تلغي كلمة العزيز
لان العزيز هو الله .

وبالنسبه للحشره برد عليك بس بعد مانشوف معلومات بقية
الاعضاء.

تحياتي الجازي ونبي المشاركه وطرح المواضيع.

Hot File

19-02-2002, 18:48

هذي الحشرة منتشرة في الصحراء... واذا احست بخطر...

توقف بلا حراك.. وتوقف على رجيلها وترفع ايدها.. ممممممم كانها

تدعي... ولما احد ياذيها.. نقوووووووووووول لووووووووووووووول

دعت عليك

ممممممممممم احنا نسميها اليعلو

عاد ما اعرف شو الاسم عندكم.. لان هذي التسميه ممكن تكون محليه

او تختلف من قبيله لاخرى..

اتمنى انها تكون صح :rolleyes:

ناسي

21-02-2002, 12:57

عدل والا لا.......؟

روح البنفسج

21-02-2002, 14:52

عرفتها .....عرفتها ......عرفتها...........

لايحد ايقولي.....عرفتها......:o

هاذي......اممممممممممم........

اقووول........

بس لاحد ايغش..........

تحت الجواب عشان مايغشووووووون........

الجواب الله ايسلمك.........:cool:

خنفسة............صح....صح.......صح.....:cool:

عاد ابى الجايزة........:D :D :D

قمر العين

22-02-2002, 21:17

اممممممممممممممممممممممممممممممممممممممممممممممممم مممممممممممممم.......................

اعتقد بأن كلام الجازي هو الصح مب انتي يا روح البنفسج وبعد تبي جايزة (امحق):D :D

عاد الجازي اذا الجواب صح الجايزة (فيفتي فيفتي) OK;)

طارق ترى الجايزة نباها غاليه وحلوة لا تنسى

:) :)

23-02-2002, 01:42

اوووووووع
تلوووع:rolleyes:

طارق

25-02-2002, 03:51

الاخ الجازي وكذلك الاخت قمر العين .

وهي القراده حشره بريه تلتصق بالجمال وكذلك الكلاب اعزكم الله
وتتغذى على دمائها..

مبروك الجازي ولك جائزه عدد 14 قراده موديل 2002 اوتوماتك
مع فتحه بالسقف. ولا تنسى تعطي قمر العين 2/1 الجائزه.

25-02-2002, 07:25

ههههههههه طارق
الحمد الله اني مافزت:D :D

الجازي

25-02-2002, 15:07

الأخت/ عاشقة البحر

تحية طيبة وبعد ،،،

أولاً: أتقدم لجميع الأعزاء أعضاء المنتدى بخالص التهاني والتبريكات بمناسبة عيد الأضحى المبارك أعاده الله علينا وعليكم باليمن والبركات وأنتم بألف صحة وعافية:) :)

ثانياً: بصراحة آسف على التأخير ولكن مثلكم عارفين العيد وزحمته وفرحته والواحد أصلاً ما يكون عنده فرصة أنه يجابل الجهاز:D

ولكن من اليوم وطالع إن شا الله أوعدكم بالمواضبة على الحضور والتوقيع في الأوقات المحددة:p
:) :) :) !!د

اليوم: الإثنين.

التاريخ:25/2/2002

الساعة: 2.10 ظهراً.

الجــــــــازي حـــــــاضر.

الجازي

25-02-2002, 15:11

الأخ /طارق

كل عام وأنت بخير .وعساك من عواده

وبعدين الجايزة هذي ما أبيها . إن كان قمر العين بتشاركني فيها :(

الواحد ما يصدق على الله يفوز بشي

وشكراً لك مرة ثانية:p :p

دمعه متمــــرده

25-02-2002, 15:17

لولا ان طااارق قال حشره صحراويه.... كنت بقوول لكم قبقب

:D اكيد تعرفوون القبقب!! صح؟

الجازي

25-02-2002, 15:28

أقول يا دمووووووووعة.

ليش القبقب عندكم يعيش في البر:D

عيل يا طارق مشينا نروح نلقط قباقب من البر عندهم ولا طراريد ولا بنزين ولا عوار قلب:p

وبعدين أخوي طارق .

آسف على التوقيع عندك لأني كنت منزّل كل الردود مني مايز وطرشتهم وبس.
أكرر إعتذاري:p

دمعه متمــــرده

25-02-2002, 21:24

ههههههههههههههههاااااااي الجازي

تعالوا عندنا ضبان بالبحر وقباقب وام الربيان في البر :D :D

الجازي

26-02-2002, 00:27

أقول
دموووووووعة

ألحين على هالنفس الخضرة والسوالف الحلوة حاطة هاي الصورة اللي تضيج الخلق:(

لا لا لا

يبيلج صوره متفائلة فيها (( تــــــــــمـــــــرد ));)

على إسمج:)

لج تحياتي وربيع السنة الياية حياج عندنا ترى يطلع فقع ورقروق وحويت كلا يطلع عندنا في البحر؟؟؟؟!!!!:D :D :D

روح البنفسج

01-03-2002, 13:20

مبروك مبروك مبروك......للجازي وقمر العين .....

شفتوا رمحي رياضيه....

وتساتاهلون اما جاكم.........ياله عاد سو مزرعة للقراد.....:) :) :)

صراحه طالرق انته وايد كريم......:D

قمر العين

02-03-2002, 15:07

جذيه طارق شمتم فينا عاد هاذي جايزة الله يهديك:(

بس ما عليه مقبوله منك الجايزة على قد الاجابة

لا والجازي ما عايبنه بعد اني اشاركه اصلن هاذي الجايزة انا اللي طالبتنها وعناد فيك راضية بالقراد :D :D :D

الجازي

02-03-2002, 18:25

وشدعوة أختي قمر:(

ترى يقول المثل :

لولا الميانة ما تغشمرنا معاكم:p

وبعدين من اللحظة هذا أعلن للجميع تنازلي عن الجايزة بكاملها لج
دون أي منازع:D :D

والله يخلي كل هالأعضاء الطيبين:p

روح البنفسج

02-03-2002, 20:28

ههههههههههههههههههههههههههههههههههه.....تستاهلين قمووره شبعي الحين بالجايزه روحج.............:rolleyes: :rolleyes: :rolleyes:

قمر العين

05-03-2002, 21:28

خلاص الجازي اذا انته يا تاخذ الجايزة كلها يا ما تاخذها امره

فما عليه الله يعوضك بدالها خير ومشكور على هذا التنازل بس انته اللي

جاوبت صح اول الله يعوضك خير :D :D :D

طارق

06-03-2002, 17:38

اخت قمر بعد كل هذه النقاشات اقول:
ان الجائزه الحقيقيه هي دعوه فاقول:

اللهم رب السماوات والارض ومابينهما ، اسالك باسمائك الحسنى
وصفاتك العلي ان تجعل حياة اختنا حياة سعاده وان ترزقها الايمان
وان تجعل لها من كل خير نصيب اللهم وبارك في عمرها ولا تجعل
الدنيا اكبر همها ولا مبلغ علمها وآتها خيري الدنيا والاخره .
اللهم اجهل لها من كل همٍ فرجا ومن كل ضيقٍ مخرجا انت ولي
ذالك والقادر عليه.....

وموت قهر يالجازي :p

قمر العين

07-03-2002, 14:59

والله ما ادري يا اخوي طارق كيف اشكرك هاذي احلى جايزة احصلها

في حياتي واحلى دعاء يكفي انها جايزة مفيدة وبتنفعني في دنياي

وآخرتي وهذا الدعاء افضل من كنوز الدنيا كلها يكفي انه كل شخص

بيدخل بيقرا هذا الدعاء يعني يدعيلي الله يجزيك ألف خير

ويطول في عمرك ويسلمك من كل شر ويخليلك اهلك وعيالك :)

وحليلك يالجازي مرة ثانيه لا تكون طماع:D

الجازي

07-03-2002, 15:17

آنا اللي أجاوب وأسرع إجابة وأدق إجابة

وتاخذها قمر باردة مبردة؟لا والقهر إنها خوش دعوة وآنا في حاجتها:(

يا الله كلٍ له الله لو تخليت يــــــا طارق عني

مــحــدٍ يـمــوت يــا صــاحـبــي قــبل يومه!!!

وبعدين يعني لو خذها غيري الروح الرياضية أهم مميزاتي وتكفيني هذي الميزة;)

وتستاهلين قمورة كل خير:D

قمر العين

07-03-2002, 16:10

عاد الجازي الجايزة الاولى وطمعت فيها عاد كله ولا الجايزة هاذي

لا تحسدني عليها ارجوك اذا انته محتاجلها مرة فانا محتاجتلها مليون

مرة وطارق ما يقصر ثاني مرة ما بدخل مسابقة انته مشارك فيه اخافك

تسويبي جذيه :( :(

الجازي

08-03-2002, 01:48

تراي أمزح بس ولا يكون خاطرج إلا طيب:)

ترىآنا قصدي الغشمرة:p

خاصة وإن طارق طيب وحنا نستاهل

والمشاركة من حق الجميع والفايدة هم من الحق العام
وغير ممكن حجزها:(

وترى من باب الميانة تغشمرت وياج:D

وأتمنى من أخوي طارق إنه يزيد من هالمسابقات المفيدة

ولكم أللف تحية،،،

قمر العين

09-03-2002, 15:32

:)

حتى انا امزح وياك لا يكون لك فكر :D

كلنا اخوان ونتغشمر والله يعطيك العافية;)

راعي البويضا

10-03-2002, 12:37

أقول حسبي الله عليك ياطارق
ويش بقى ما صورته أولها الصغيرونه الله يخليها ودعاية بامبرز وثمن الأسد وثمن حشره دركوليه وبكره الله يستر
وبعدين وين جائزتي وإلا ناس وناس ؟؟