قصيدة وحدة بيوم عرس حبيبها

[الدوسرى]

قصيدة وحدة بيوم عرس حبيبها





جاني الخبر يا صاحبي واظلم الكـــــــون
قـــــــدام عــينـي ثـم نــطقـت الــشــــهـاده


على العــمــوم اقــولـها الـف مـلـيــــــــون
مــبـروك مــن قــلـب شكـــالــك ابـعــاده


مــبروك لا يهمــك سواليف وضـنـــــون
مـن عــاشــق يــهـديـــك فـــرحة فـــؤاده


ســو الــفرح اليــوم وابليس مـــلعــــــون
واللــي يــشــب الـــنار يــجني رمـــــاده


انـــا اول الــــعـالم على الصاله يلفــــون
اول مــــعـازيم الـــــفـــرح والــحــــداده


ابشر انا برقص على العرس بالهــــون
كـــــل يـــــعـبـر فـــرحــتـه بــاجتهـــاده


لــــو الـــبلا رقــــصي يقولون مزيـــون
الـــمــشكلــه الــقـلــب يــفـضـــــح وداده


يـــوم الـعذارى في دخــولـك يغنــــــون
وعــروستك باحلى ثــواني السعــــــاده


كــنت اتــمنــى بـــدالها والـله اكــــــون
واحـط انـا كـفي تحت راسك وســـــاده


واشلون ابكتم صرختي يوم تمشــــــون
تـــكــفى ..خــذنــي للعروسه قـــــــلاده


حتــى مــعـازيـم الفرح قامو يمشـــــون
واصبــحت انــا وحدي بدون استفــــاده


وطـــفو عــلي الــنور مــن غير يـدرون
قــصر الــفرح يـا قــــــــــــــبر ومهـاده


وصــيتي لـو جــاك بــنت وانــا امــون
سمــيتــها لك بإسمي قــبل الــــــولاده

منقول

[دمعة الامارات]

الدوسرى
تسلم يمناك اخوي العزيز على هذي الكلمات الائعه منك وربي يعطيك الف عافيه ولا يحرمنا من مشاركتك الحلوه عليناا

[alwafi2002]

تسلم واله ياخوي الدوسري على النقل الجميل والمتميز منك .. وان شاء الله نشوف كل جميل منك
:)

[نايى]

تسلم ايديك اخوي الدوسري على هذي المنقوله الرائعه ابيات رائعه وكلماتها حساسه يعطيك العافيه اخوي وان شاء الله ما تحرمنا من مشاركاتك وتسلم

[akool]

http://www.q8tna.com/up/up/tech3.gif

الله يكون بعون البنت .. صدق يوم قالوا الحب عذاب

:rolleyes: :rolleyes:

مشكور وما تقصر اخوي الدوسري على القصيدة ..

وننتظر منك المزيد والجديد ...

تحياتي الغالية

http://www.q8tna.com/up/up/tech3.gif